Presidente Aquino nagmando og pagpangita og bag-o nga Ombudsman

Si Presidente Benigno Aquino III ug resigned Ombudsman Merceditas Gutierrez. (Photo by Jay Morales)

MAYNILA - Si Presidente Benigno Aquino III nagmando sa pagpangita alang sa bag-o nga Ombudsman human si Merceditas Gutierrez mi-undang kaniadtong Biernes, mga duha ka semana sa wala pa magsugod ang usa ka impeachment nga proseso nga gitumong sa pagkuha kaniya gikan sa buhatan, report sa Philippine Information Agency kagahapon.

“I now urge the Judicial and Bar Council to begin the search for a new Ombudsman. With the support of the public, we can now proceed more decisively in making government officials more accountable to their bosses, the Filipino people,” matud sa Presidente sa usa mensahe kagahapon.

Si Presidente Aquino mipahayag nga siya nalipay sa pag-undang ni Gutierrez, sa pagdugang nga ang Kongreso karon makatutuk na sa mga butang nga naglambigit sa nasudnon nga kaayohan kaysa paggasto og panahon diha sa pagpahigayon og hataas nga proseso sa impeachment.

“Her action has spared the country from a long and divisive impeachment process that would have distracted our lawmakers from dealing with the many problems we face today,” dugang pahayag sa Presidente.

Kauban sa pagkansela sa proseso sa impeachment, ang Kongreso karon nagtutuk kalabot sa sobra sa 20 ka prayoridad nga mga lakang nga ang iyang administrasyon nagpaluyo, mga balaodnon nga nagkinahanglan og dinalian nga pagpasa tungod sa ilang mga benepisyo ngadto sa mga katawhan, matud niya.

Sa sama nga higayon, ang Presidente nagpasalamat sa House of Representatives nga nagtrabaho pag-ayo diha sa paglantugi og pagsumite sa impeachment nga reklamo ngadto sa Senado.

Gipangutana sa mga magtatahu, kon si Gutierrez makalingkawas na human makahimo og lakang sa pag-undang og gipangutana siya kon adunay konsesyon, ang Presidente mipahayag nga wala siya nangita og bisan unsa nga i-uli tungod sa pag-undang ni Gutierrez.

Ang Presidente nagdugang nga, “ that judicial reform is one of his plans under his leadership and at the same time acknowledged the weaknesses of the country’s judicial system, noting that there must be prioritization in going after those who committed misdeeds.”